HOW TO BLOW CHRIST OUT OF THE BOL

Brânfeiligens – Tips foar thús en yn jo bedriuw(14-12-2014)

It ein fan it jier is fol feestlikheden. Spitigernôch kin de gesellichheid troch brân wreed fersteurd wurde. Brânfeiligens is net allinne tidens de feestdagen in wichtich ûnderwerp, it is it hiele jier fan belang. Hjirûnder fine jo in oantal tips.

Krystbeam

• keapje in beam dy’t net te grut is foar de keamer;
• soargje derfoar dat de beam goed stevich stiet;
• soargje dat de beam gjin fljochtwei blokkeard;
• in beam dy’t befochtige wurdt is folle feiliger (regelmjittich byfolje!);
• set de beam net te ticht by gerdinen of oare maklik brânbere materialen;
• brûk allinne elektryske kearskes mei in KEMA-kar;
• brûk in geef en goed passend ferlingsnoer, soargje derfoar dat der nimmen oer strûkelje kin;
• helje de stekker út it stopkontakt as jo fuortgean of sliepen gean;
• meast feilich is in dreech brânbere (keunststof) beam.

Fersiering

• dennegrien is tige brângefaarlik, brûk dit net of allinne yn beheinde mate;
• lit kearsen yn kryststikjes net te fier opbrâne en set se sa del dat jo se sjen kinne;
• set de kearsen net te ticht by in waarmtebron, de kearsen kinne ombûgje;
• brûk deechlik fersieringsmateriaal dat dreech brânber is, hingje it op mei izertried;
• fersiering safolle as mooglik lâns de muorre ophingje en net yn oanrekking komme litte mei ferljochting en waarm wurdende apparaten.

Fonduje en gourmette

• spiritus? Folje nea de brâner tichteby fjoer en pas as er hielendal ôfkuolle is;
• in spiritusflam is hast ûnsichtber en kin noch folop brâne wylst jo tinke dat de flam út is;
• set it fonduestel tidens gebrûk op in net brânber ûnderblêd;
• liz de deksel op tafel om fluch reagearje te kinnen by flam yn de panne;
• by in elektrysk fonduestel is der gefaar fan strûkeljen oer it snoer en it meisleuren fan it fonduestel; set it stel sa tichteby as mooglik by it stopkontakt.

Mear ynformaasje

Mear ynformaasje fine jo op www.brandweerfryslan.nl.

Nederlânske oersetting

Nederlânske oersetting fan 'Brânfeiligens – Tips foar thús en yn jo bedriuw'.

HEGESKUALLETAALWONDEROPOF BV